ಅಮ್ಮ
ಚಿತ್ರ ಕೃಪೆ : ಇಂಟರ್ನೆಟ್
ಜೀವನದ ಸೌಧಕ್ಕೆ
ಭವ್ಯ ತಳಹದಿ ಕಟ್ಟಿ
ಭವಿತವ್ಯ ಉಚ್ಹ್ರಾಯಕೆ
ಬುನಾದಿಯ ಸೃಷ್ಟಿಕರ್ತೆ
II ೧ II
ಕಲ್ಲು ಕಲ್ಲುಗಳ ಭಾಂದವ್ಯ
ಅಸ್ತಿಭಾರದ ದೃಢತೆ
ಅಮ್ಮ ಕೆತ್ತಿದ ಬಾಲ್ಯ
ಬಾಳ ಬೆಳಗುವ ಹಣತೆ
II ೨ II
ಕಂದನ ಅಳು ನಗು
ಇಡುವ ಮೊದಲ ಹೆಜ್ಜೆ
ನುಡಿವ ತೊದಲು ನುಡಿ
ಅಮ್ಮನ ಶ್ರಮದ ಫಲಶ್ರುತಿ
II ೩ II
ಬಾಲ್ಯ ಹರೆಯಗಳೆರಡು
ಸೌಧದ ಮೊದಲೆರಡು ಸ್ಥಿತಿ
ಬಾಳ ಪಯಣದಿ ಮುಂದಿಹುದು
ಗುರಿ ಗೋಪುರದ ಉನ್ನತಿ
II ೪ II
ಮಮತೆಯಲಿ ಕಟ್ಟಿಹಳು
ಅಮ್ಮ ಬಾಳಿನ ಬುನಾದಿ
ಛಲ, ಶ್ರಮ, ಪ್ರಯತ್ನಗಳು
ಸಾಧನೆಯ ಸೌಧಕ್ಕೆ ಆದಿ
II ೫ II
ಮನುಜ ಜನುಮದಿ ಹುಟ್ಟಿ
ಸಾಧನೆಯ ಸೌಧವ ಕಟ್ಟಿ
ಹುಟ್ಟು ಸಾವಿನ ಪ್ರಯಾಣ
ನಿನ್ನ ಲೀಲೆ ಓ ಮುಖ್ಯಪ್ರಾಣ
II ೬ II
No comments:
Post a Comment