ಸಾಧನೆ

ಸಾಧನೆ

 ಚಿತ್ರ ಕೃಪೆ : ಇಂಟರ್ನೆಟ್

ಸಾಧಕನ ಸಾಧನೆಗೆ 

ಹಲವಾರು ಕಾರಣವು 

ಬರಿದೆ ಲಭಿಸುವುದಿಲ್ಲ

 ಗೆಲುವಿನ ಹೂನಗೆ

II ೧ II

ಛಲದಂಕ ಮಲ್ಲ ತಾ 

ದಿನವಿಡೀ ಅಭ್ಯಸಿಪ 

ಅನವರತ ಶ್ರಮಪಡುತ 

ಧ್ಯೇಯೋಧ್ಧೇಶವ  ವಿಜಯಿಪ 

II ೨  II

ದೂರದಾ ಗುರಿಯೆಡೆಗೆ 

ಎಡೆಬಿಡದೆ ನಡೆವಂತೆ 

ಬದುಕಿನಲಿ ಉನ್ನತಿಯು 

ಪಾವಟಿಗೆಯ ಹತ್ತಿದಂತೆ 

II ೩   II

ಅರಿವು ನಗುವಿನ ಸಿಂಚನ

ಅನುಭವವೇ ಜ್ಞಾನದ ಸಂಚಲನ 

ಸೋಲೆಗೆಲುವಿನ ಸೋಪಾನ 

ಸಂಬವಿಪ ಸಾಧನೆಗೆ ಕಾರಣ 

II ೪    II

ಗುರಿಯ ಹಂದರವ ಅಭ್ಯಸಿಸಿ 

ಪಡೆವ ದಾರಿಗಳ ಯೋಚಿಸಿ 

ಸಕಲ ಸಲಕರಣೆಯ ಕೂಡಿಸಿ 

ನುಗ್ಗಿ ನಡೆ ಮುಂದೆ ಬೆವರ ಸುರಿಸಿ 

 II ೫    II

 ಸಾಧನೆಯ ಹಾದಿಯದು 

ಅಂಕು ಡೊಂಕಿನ ಪಯಣ 

ಯಶದ ಶಿಖರವನ್ನೇರಲು  

  ಆಶಿರ್ವಚಿಸು ಓ ಮುಖ್ಯಪ್ರಾಣ 

  II ೬    II 

ಇಂತೀ:  ಜ್ಯೋಮೂಕೀ