ಕಲ್ಲೇರಿಮೂಲೆ ಜಲಪಾತ

ಕಲ್ಲೇರಿಮೂಲೆ  ಜಲಪಾತ 

 ಚಿತ್ರ ಕೃಪೆ : ವೇಣುಗೋಪಾಲ ಐಪಂಜಿಗುಳಿ

ಮಿಂಚಿಪದವು ಅಡ್ಕದಿ ಹುಟ್ಟಿ
ಕಲ್ಲೇರಿಮೂಲೆ ಗುಡ್ಡದ ಸೆರಗಲಿ ಹರಿದು
ಐಪಂಜಿಗುಳಿಯನು ಸುತ್ತಿ ಬಳಸಿ
ಮುಂದಕೆ ಸಾಗುತಿದೆ ಜಲಪಾತ

II ೧   II

ಮಳೆಗಾಲದಿ  ಉಕ್ಕಿ ಹರಿಯುವ
ಬೇಸಗೆಯಲಿ ಬತ್ತಿ ಹೋಗುವ
ಚಳಿಗಾಲದಿ ಮನಮೋಹಕವು 
ಕಲ್ಲೆರಿಮೂಲೆಗೆ ಮುಕುಟ  ಮಣಿಯು

II ೨   II

ನೂರು ಅಡಿ ಎತ್ತರದಿ ಧುಮುಕಿ
ಕಲ್ಲು ಬಂಡೆಗಳ ಏರಿ ಇಳಿದು
ಬಿಳಿ ನೊರೆಗಳ ಉಕ್ಕಿಸಿ ಹರಿದು
ತೋಟ ಗದ್ದೆಗಳ ಸುತ್ತುಬಳಸಿ

ನೋಡುವ ಕಣ್ಣುಗಳಿಗೆ ವರ್ಷ ಧಾರೆ
ಕುಡಿವ ತನುವಿಗೆ ಸುಜಲಧಾರೆ
ಬೆಳೆವ ಬೆಳೆಗೆ ಅಮೃತ ಧಾರೆ
ಕಲ್ಲೇರಿಮೂಲೆ ಜನರಿಗೆ ಜೀವನಾಧಾರೆ

II ೩   II

ಪ್ರಕೃತಿ ದೇವಿಯ ಕಿರು ಕಾಣಿಕೆಯು
ಜೀವ ಸಂಕುಲಕೆ ಜಲಮೂಲವು
ಚೆಲುವಿನ ಚಿತ್ತಾರದ ಸೊಬಗಿದು
ಬತ್ತದಿರಲಿ ನೀರ ಸೆಲೆ ಓ ಮುಖ್ಯಪ್ರಾಣ

  II ೪     II 

ಇಂತೀ:  ಜ್ಯೋಮೂಕೀ