ಸಸ್ಯಸಂಕುಲ

ಸಸ್ಯಸಂಕುಲ 

  ಚಿತ್ರ ಕೃಪೆ : ಅಂತರ್ಜಾಲ 

ಬರಗಾಲದಲ್ಲಿ

ಬಿಸಿಲ ಬೇಗೆಗೆ

ಬಸವಳಿದು ಕುಳಿತೆ

ಒಂಟಿ ಮರದ ಕೆಳಗೆ

  II ೧   II

ಝಳಪಿಸುತಿಹ ಬಿಸಿಲ

ಬೇಗೆಗಳನು ಹೀರಿ

ಅಸರೆಯನು ನೀಡಿತು

ಬಳಲಿ ಬಂದ ನನಗೆ

  II ೨   II

ಚಳಿಗಾಲದಲ್ಲಿ

ಚಳಿಯನ್ನು ತಾಳದೆ

ಉರುವಲಿಗಾಗಿ

ಆ ಮರವ ಕಡಿದೆ

  II ೩   II

ತನ್ನನ್ನೆ ದಹಿಸಿ

ಬಿಸಿಯನ್ನು ಹರಡಿ

ತಂಪನ್ನು ಬಡಿದೋಡಿಸಿ

ರಕ್ಷಣೆಯನೀಡಿತೆನೆಗೆ

  II ೪   II

ಮರಳಿ ಬಂತು ಬರಗಾಲ

ಕಡು ಬಿಸಿಲು ನೆರಳಿಲ್ಲ

ಒಂಟಿಮರವ ಕಡಿದಿಹೆನು

ನಾನೆಲ್ಲಿ ಹೋಗಲಿಂದು

  II ೫  II

ಮರವನ್ನು ಕಡಿದಾಗ

ಎಲ್ಲಿತ್ತು ನನ್ನರಿವು

ಮುಂದಿಹುದು ಬೇಸಗೆಕಾಲ

ಬೇಕೆನಗೆ ನೆರಳಿನಾಸರೆ

  II ೬  II

ಓ ಮನುಜ ಇನ್ನಾದರೂ ತಿಳಿ

ಸಸ್ಯಸಂಕುಲವೇ ನಮ್ಮುಸಿರು

ಮಾಡದಿರು ಅರಣ್ಯನಾಶ

ತಿಳಿಸಿ ಹೇಳೋ ಓ ಮುಖ್ಯಪ್ರಾಣ

  II೭  II 

ಇಂತೀ:  ಜ್ಯೋಮೂಕೀ

ಸಮಯದ ಪಯಣ

ಸಮಯದ ಪಯಣ 

  ಚಿತ್ರ ಕೃಪೆ : ಅಂತರ್ಜಾಲ 

ಸೂರ್ಯನಿಗೂ ಚಂದ್ರನಿಗೂ

ಎಲ್ಲಿಯ ಕದನ

ಸಂವತ್ಸರಗಳ ಆಗಮನ

ಇದು ಕಾಲನ ನಿಯಮ

  II ೧   II

ಹಗಲಿಗೂ ಇರುಳಿಗೂ

ಎಲ್ಲಿಯ ಮಿಲನ

ದಿನಗಳ ಜನುಮ 

ಇದು ಜಗದ ನಿಯಮ

  II ೨   II

ಸಾಗುತಿದೆ ಗಡಿಯಾರದ

ಮುಳ್ಳಿನ ಪಯಣ

ಭೂಮಿಯ ಭ್ರಮಣ

ಇದು ಸಮಯದ ಚರಣ

  II೩   II

ಚಳಿ ಮಳೆ ಬೇಸಗೆ

ಕಾಲಗಳ ಆಗಮನ

ಕಷ್ಟ ಸುಖಗಳ ಸಮ್ಮಿಲನ

ಇದು ಬದುಕಿನ ಕವನ

  II ೪   II

ಸತ್ಯಕು ಸುಳ್ಳಿಗೂ

ಎಲ್ಲಿಯ ಗೆಳೆತನ

ಕಲಿಯುಗದ ಕಾರಣ

ತಿಳಿಸೋ ಓ ಮುಖ್ಯಪ್ರಾಣ

  II ೫  II 

ಇಂತೀ:  ಜ್ಯೋಮೂಕೀ

ಕಣ್ಣಿನ ಭಾವ

 ಕಣ್ಣಿನ ಭಾವ 

 ಚಿತ್ರ ಕೃಪೆ : ಸಂಧ್ಯಾ ಗುರುಮೂರ್ತಿ 

ನಿನ್ನ ಕಣ್ಣ ಬಿಂಬದಲ್ಲಿ

ಕಂಡೆ ನಾನು ನನ್ನನು

ನನ್ನ ಹೃದಯ ಭಾವದಲ್ಲಿ

ಕಂಡೆ ನಾನು ನಿನ್ನನು

  II ೧ II

ಕಣ್ಣ ಗೋಲ ಸುತ್ತುತಿರಲು

ನನ್ನ ನಾನು ಮರೆತೆ

ಹೃದಯ ಭಾವ ಮೀಟುತಿರಲು

ಪ್ರಣಯ ಸುಖದಿ ತೇಲಿದೆ

  II ೨ II

ಅಂತರಂಗದ ಕನಸುಗಳು

ಕಣ್ಣುಗಳಲ್ಲಿ ಕಾಣ್ವದು

ಅದಕ್ಕೆ ತಾನೆ ಪೆಳ್ವರು

ಕಣ್ಣು ಮನದ ಬಾಗಿಲು

  II ೩ II

ಭಾವನೆಗಳ ಸಮ್ಮಿಲನ

ಪ್ರೇಮಿಗಳಿಗೆ ರಸದೌತಣ

ಕಣ್ಣು ಕಣ್ಣು ಬೆರೆಯಿತು

ಮನಗಳೆರಡು ನುಲಿಯಿತು

  II ೪ II

ಪ್ರೀತಿ ಪ್ರೇಮ ಪ್ರಣಯ

ಕಣ್ಣು ಹೃದಯಗಳ ಕವನ

ಭಾವನೆಗಳ ಸಮ್ಮಿಲನ

ವಿವರಿಸು ನೀ ಮುಖ್ಯಪ್ರಾಣ

  II ೫  II 

ಇಂತೀ:  ಜ್ಯೋಮೂಕೀ

ಕಲ್ಲೇರಿಮೂಲೆ ಜಲಪಾತ

ಕಲ್ಲೇರಿಮೂಲೆ  ಜಲಪಾತ 

 ಚಿತ್ರ ಕೃಪೆ : ವೇಣುಗೋಪಾಲ ಐಪಂಜಿಗುಳಿ

ಮಿಂಚಿಪದವು ಅಡ್ಕದಿ ಹುಟ್ಟಿ
ಕಲ್ಲೇರಿಮೂಲೆ ಗುಡ್ಡದ ಸೆರಗಲಿ ಹರಿದು
ಐಪಂಜಿಗುಳಿಯನು ಸುತ್ತಿ ಬಳಸಿ
ಮುಂದಕೆ ಸಾಗುತಿದೆ ಜಲಪಾತ

II ೧   II

ಮಳೆಗಾಲದಿ  ಉಕ್ಕಿ ಹರಿಯುವ
ಬೇಸಗೆಯಲಿ ಬತ್ತಿ ಹೋಗುವ
ಚಳಿಗಾಲದಿ ಮನಮೋಹಕವು 
ಕಲ್ಲೆರಿಮೂಲೆಗೆ ಮುಕುಟ  ಮಣಿಯು

II ೨   II

ನೂರು ಅಡಿ ಎತ್ತರದಿ ಧುಮುಕಿ
ಕಲ್ಲು ಬಂಡೆಗಳ ಏರಿ ಇಳಿದು
ಬಿಳಿ ನೊರೆಗಳ ಉಕ್ಕಿಸಿ ಹರಿದು
ತೋಟ ಗದ್ದೆಗಳ ಸುತ್ತುಬಳಸಿ

ನೋಡುವ ಕಣ್ಣುಗಳಿಗೆ ವರ್ಷ ಧಾರೆ
ಕುಡಿವ ತನುವಿಗೆ ಸುಜಲಧಾರೆ
ಬೆಳೆವ ಬೆಳೆಗೆ ಅಮೃತ ಧಾರೆ
ಕಲ್ಲೇರಿಮೂಲೆ ಜನರಿಗೆ ಜೀವನಾಧಾರೆ

II ೩   II

ಪ್ರಕೃತಿ ದೇವಿಯ ಕಿರು ಕಾಣಿಕೆಯು
ಜೀವ ಸಂಕುಲಕೆ ಜಲಮೂಲವು
ಚೆಲುವಿನ ಚಿತ್ತಾರದ ಸೊಬಗಿದು
ಬತ್ತದಿರಲಿ ನೀರ ಸೆಲೆ ಓ ಮುಖ್ಯಪ್ರಾಣ

  II ೪     II 

ಇಂತೀ:  ಜ್ಯೋಮೂಕೀ

ಸಾಧನೆ

ಸಾಧನೆ

 ಚಿತ್ರ ಕೃಪೆ : ಇಂಟರ್ನೆಟ್

ಸಾಧಕನ ಸಾಧನೆಗೆ 

ಹಲವಾರು ಕಾರಣವು 

ಬರಿದೆ ಲಭಿಸುವುದಿಲ್ಲ

 ಗೆಲುವಿನ ಹೂನಗೆ

II ೧ II

ಛಲದಂಕ ಮಲ್ಲ ತಾ 

ದಿನವಿಡೀ ಅಭ್ಯಸಿಪ 

ಅನವರತ ಶ್ರಮಪಡುತ 

ಧ್ಯೇಯೋಧ್ಧೇಶವ  ವಿಜಯಿಪ 

II ೨  II

ದೂರದಾ ಗುರಿಯೆಡೆಗೆ 

ಎಡೆಬಿಡದೆ ನಡೆವಂತೆ 

ಬದುಕಿನಲಿ ಉನ್ನತಿಯು 

ಪಾವಟಿಗೆಯ ಹತ್ತಿದಂತೆ 

II ೩   II

ಅರಿವು ನಗುವಿನ ಸಿಂಚನ

ಅನುಭವವೇ ಜ್ಞಾನದ ಸಂಚಲನ 

ಸೋಲೆಗೆಲುವಿನ ಸೋಪಾನ 

ಸಂಬವಿಪ ಸಾಧನೆಗೆ ಕಾರಣ 

II ೪    II

ಗುರಿಯ ಹಂದರವ ಅಭ್ಯಸಿಸಿ 

ಪಡೆವ ದಾರಿಗಳ ಯೋಚಿಸಿ 

ಸಕಲ ಸಲಕರಣೆಯ ಕೂಡಿಸಿ 

ನುಗ್ಗಿ ನಡೆ ಮುಂದೆ ಬೆವರ ಸುರಿಸಿ 

 II ೫    II

 ಸಾಧನೆಯ ಹಾದಿಯದು 

ಅಂಕು ಡೊಂಕಿನ ಪಯಣ 

ಯಶದ ಶಿಖರವನ್ನೇರಲು  

  ಆಶಿರ್ವಚಿಸು ಓ ಮುಖ್ಯಪ್ರಾಣ 

  II ೬    II 

ಇಂತೀ:  ಜ್ಯೋಮೂಕೀ

ಅಮ್ಮ

ಅಮ್ಮ 

 ಚಿತ್ರ ಕೃಪೆ : ಇಂಟರ್ನೆಟ್  

ಜೀವನದ ಸೌಧಕ್ಕೆ 

ಭವ್ಯ ತಳಹದಿ ಕಟ್ಟಿ 

ಭವಿತವ್ಯ ಉಚ್ಹ್ರಾಯಕೆ 

ಬುನಾದಿಯ ಸೃಷ್ಟಿಕರ್ತೆ 

II ೧ II

ಕಲ್ಲು ಕಲ್ಲುಗಳ ಭಾಂದವ್ಯ

 ಅಸ್ತಿಭಾರದ ದೃಢತೆ 

ಅಮ್ಮ ಕೆತ್ತಿದ ಬಾಲ್ಯ 

ಬಾಳ ಬೆಳಗುವ ಹಣತೆ 

II ೨  II

ಕಂದನ ಅಳು ನಗು 

ಇಡುವ ಮೊದಲ ಹೆಜ್ಜೆ 

ನುಡಿವ ತೊದಲು ನುಡಿ 

ಅಮ್ಮನ ಶ್ರಮದ ಫಲಶ್ರುತಿ 

II ೩   II

ಬಾಲ್ಯ ಹರೆಯಗಳೆರಡು 

ಸೌಧದ ಮೊದಲೆರಡು ಸ್ಥಿತಿ 

ಬಾಳ ಪಯಣದಿ ಮುಂದಿಹುದು 

ಗುರಿ ಗೋಪುರದ ಉನ್ನತಿ 

II ೪    II

ಮಮತೆಯಲಿ ಕಟ್ಟಿಹಳು 

ಅಮ್ಮ ಬಾಳಿನ ಬುನಾದಿ

ಛಲ, ಶ್ರಮ, ಪ್ರಯತ್ನಗಳು

 ಸಾಧನೆಯ ಸೌಧಕ್ಕೆ ಆದಿ 

 II ೫    II

ಮನುಜ ಜನುಮದಿ ಹುಟ್ಟಿ 

ಸಾಧನೆಯ ಸೌಧವ ಕಟ್ಟಿ 

ಹುಟ್ಟು ಸಾವಿನ ಪ್ರಯಾಣ 

ನಿನ್ನ ಲೀಲೆ ಓ ಮುಖ್ಯಪ್ರಾಣ 

  II ೬    II 

ಇಂತೀ:  ಜ್ಯೋಮೂಕೀ

ಒಲುಮೆ

ಒಲುಮೆ 

 ಚಿತ್ರ ಕೃಪೆ : ಇಂಟರ್ನೆಟ್  

ನನ್ನದೆಯ ಗೂಡಿನಲಿ 

ಸುಪ್ತ ಭಾವದಿ ಆವಿರ್ಭವಿಸಿ 

ನಿನ್ನೆದೆಯ ಗೂಡನ್ನು 

ಕೈ ಬೀಸಿ ಕರೆಯುತಿಹುದು

II ೧ II 

ಭಾವಾಂತರಾಳದಲಿ 

ಮನಸ ಮೇಟಿಯ ಮೀಟಿ 

ಕನಸ ಗೋಪುರವ 

ಕಟ್ಟಿ ಮೆರೆಯುತಿಹುದು 

II ೨  II

ದಿಗ್ ದಿಗಂತಗಳಾಚೆ 

ಭವದ ಭಾವವ  ಮೀರಿ 

ಪ್ರಣಯ ವಾರಿಧಿಯಲಿ 

ತೇಲಿ ವಿಹರಿಸುತಿಹುದು 

II ೩  II

ಕನಸು ಮನಸಿನ ಮಿಲನ 

ಪ್ರಣಯ ಪ್ರೇಮದ ಕವನ 

ಭಾವನೆಗಳ ಒಳಹೂರಣ 

ನೀ ಪೇಳೋ ಓ ಮುಖ್ಯಪ್ರಾಣ 

II ೪  II

ಇಂತೀ:  ಜ್ಯೋಮೂಕೀ

ಹೊಸ ವರುಷ

ಹೊಸ ವರುಷ 

  ಕಾಲ ಚಕ್ರವು ಉರುಳುತಿದೆ 

ವರುಷ ವರುಷಗಳು ಕಳೆದು 

ಬಂದಿದೆ ಹೊಸ ವರುಷ 

ನವ ಭಾವ ನವ ಜೀವ 

ನವ ಚೈತನ್ಯವ ತುಂಬಿ 

ತಂದಿದೆ ಬಾಳಿಗೆ  ಹರುಷ 

ಕಹಿ ನೆನಪುಗಳ ಮರೆತು 

ನವ ಗುರಿಯ ಕುರಿತು 

ಹೊಸ ಬಾಳ ಬಾಳೋಣ 

ಜೊತೆಗೂಡಿ ಕಲೆತು 

ಭಾತೃತ್ವದಿ ಬೆರೆತು 

ನಾಡು ನುಡಿ ಕಟ್ಟೋಣ

ಜಗವು ನಾಟಕದ ರಂಗಸ್ತಳ
ಜೀವ ಜಂತುಗಳೇ ಪಾತ್ರಧಾರಿ
ವರುಷ  ವರುಷಗಳೇ ಚರಣ  

ಜೀವದ ಹುಟ್ಟು ಪಲ್ಲವಿಯು
ಸಾವೇ ಪಾತ್ರದ ಅಂತ್ಯವು
ಸೂತ್ರಧಾರಿ ನೀನೆ ಮುಖ್ಯಪ್ರಾಣ

ಇಂತೀ:  ಜ್ಯೋಮೂಕೀ